អន្តរជាតិ: ការផ្សាយវីដេអូភាពយន្ត Netflix បានប្រកាសថា ខ្លួនផ្អាកសេវាកម្មរបស់ខ្លួននៅក្នុងប្រទេសរុស្ស៊ីហើយ ក្រោមហេតុផលការវាយប្រហាររបស់រុស្ស៊ីទៅលើអ៊ុយក្រែន។

Netflix មានអតិថិជនប្រហែល ១លាននាក់នៅក្នុងប្រទេសរុស្ស៊ី ចាប់ពីថ្ងៃច័ន្ទទី៧ ខែមីនា នេះតទៅមិនអាចចូលគណនីរបស់ពួកគេដើម្បីមើលរឿងកំសាន្តនៅលើ Netflix បានទៀតឡើយ។

ការសម្រេចចិត្តរបស់ក្រុមហ៊ុន Netflix ធ្វើឡើងបន្ទាប់ពីក្រុមហ៊ុន Apple, Samsung និង Microsoft ដែលបានបញ្ឈប់ ឬ "ផ្អាកជាបណ្តោះអាសន្ន" ការលក់ផលិតផលរបស់ពួកគេនៅក្នុងប្រទេសរុស្ស៊ី ខណៈដែល Google បានផ្អាកអាជីវកម្មផ្សាយពាណិជ្ជកម្មរបស់ខ្លួននៅក្នុងប្រទេសនេះផងដែរ។

ប្រព័ន្ធផ្សព្វផ្សាយសង្គមដូចជា Facebook, Twitter, TikTok, និង YouTube បានដាក់កម្រិតលើខ្លឹមសារជាភាសារុស្សី ដោយខ្លះបិទអ្នកប្រើប្រាស់រុស្ស៊ីទាំងស្រុង ហើយខ្លះទៀតកំណត់គោលដៅប្រព័ន្ធផ្សព្វផ្សាយរដ្ឋ៕